Friday, May 31, 2013

ભાષાની મજા, મજાની ભાષા - 599


'ઘેરુ' અને 'ઘેરું' ભિન્ન છે?! 


અંગ્રેજી ભાષા, દેશી મજા : 50


ઘણી બધી જગ્યાએ 'Tution Class' લખેલું પાટિયું જોવા મળે છે. પરંતુ, બહુ ઓછી જગ્યાએ 'Tuition Class' ચાલતા હોય છે!  

અંગ્રેજી ભાષા, દેશી મજા : 49


સારું એટલે 'good', પણ બધું બહુ સારું એટલે 'good'નું બહુવચન અર્થાત 'goods' ન કરાય!

ભાષાની મજા, મજાની ભાષા - 598


'ગિરજા' અને 'ગીરજા' અલગ-અલગ અર્થ ધરાવે છે ! 


Wednesday, May 29, 2013

ભાષાની મજા, મજાની ભાષા - 597


'આપણે ત્યાં સ્ત્રીને ણી તકલીફ આપે તેવી કુટુંબ-વ્યવસ્થા છે?'
'આપણે ત્યાં સ્ત્રીને ણી તકલીફ આપે તેવી કુટુંબ-વ્યવસ્થા છે?' (!)


અંગ્રેજી ભાષા, દેશી મજા : 48


યાદ રાખો : 
' Committee 'માં બે ' m ', બે ' t ', બે ' e ', આવશે!

Sunday, May 26, 2013

ભાષાની મજા, મજાની ભાષા - 595


'અમારે ત્યાં સોમાભાઈ નીચા મળશે.' 
'અમારે ત્યાં સોમાભાઈની ચા મળશે.' (!)


ભાષાની મજા, મજાની ભાષા - 594


'ઓગળવું' અને 'પીગળવું' ભિન્ન છે?


ભાષાની મજા, મજાની ભાષા - 593



'ખખડધજ' અને 'ખખડી ગયેલું' ભિન્ન છે?


ભાષાની મજા, મજાની ભાષા - 592



'પ્રખ્યાત' અને 'વિખ્યાત' ભિન્ન છે?


ભાષાની મજા, મજાની ભાષા - 591



'આમંત્રણ' અને 'નિમંત્રણ' ભિન્ન છે?


ભાષાની મજા, મજાની ભાષા - 590



હિસાબ 'બાકી' ન રાખો!'  
હિસાબ 'બાકિ' તો ન જ રાખો!' 


ભાષાની મજા, મજાની ભાષા - 589



'મનન કહે તે કરવું.'
'મન ન કહે તે કરવું.' (!)


ભાષાની મજા, મજાની ભાષા - 588



સાચો વાક્ય-પ્રયોગ કયો ?

'કોઈ પણ વ્યક્તિ આ કાર્યક્રમમાં જોડાય શકે છે.'
'કોઈ પણ વ્યક્તિ આ કાર્યક્રમમાં જોડાઈ શકે છે.'



ભાષાની મજા, મજાની ભાષા - 587



'કોફી ન હોય તો ચાલે.'
'કોફી ન હોય તો ચા લે.' (!)



Friday, May 24, 2013

ભાષાની મજા, મજાની ભાષા - 585



'આપણા યુવાનો ગેરમાર્ગે ન જાય તો સારું.'
'આપણા યુવાનો ઘેરમાર્ગે ન જાય તો સારું.' (!)

ભાષાની મજા, મજાની ભાષા - 584



અંગ્રેજી ભાષામાં 'કોડ' અને ગુજરાતી ભાષામાં 'કોડ' અલગ છે!


Wednesday, May 22, 2013

Tuesday, May 21, 2013

ભાષાની મજા, મજાની ભાષા - 582



અંગ્રેજી ભાષામાં 'સર્જન' અને ગુજરાતી ભાષામાં 'સર્જન' અલગ છે!


ભાષાની મજા, મજાની ભાષા - 581


અંગ્રેજી ભાષામાં 'બૂન' અને ગુજરાતી ભાષામાં (અને એમાં પણ ઉત્તર ગુજરાતી ભાષામાં !) 'બૂન' અલગ છે!


Friday, May 17, 2013

ભાષાની મજા, મજાની ભાષા - 579


'આ કચેરીમાં બિનજરૂરી ચર્ચા કરીને અમારા કર્મચારીઓનો વ્યર્થ સમય બગાડવો નહીં.' (!)


Thursday, May 16, 2013

ભાષાની મજા, મજાની ભાષા - 578



'અહીં કોઈએ ગેરકાયદેસર રીતે બિનઅધિકૃત બાંધકામ કે દબાણ ન કરવું.'  (!)



Tuesday, May 14, 2013

ભાષાની મજા, મજાની ભાષા - 576



'તમે સંબંધોનો દુરુપયોગ ન કરો.'

'તમે સંબંધોનો ખોટો દુરુપયોગ તો ક્યારેય ન કરો.' (!)


Monday, May 13, 2013

ભાષાની મજા, મજાની ભાષા - 575



'આજે રોકડા, કાલે ઉધાર'
'આજે રોકડા, આજે ઉદ્ધાર'  (!)

ભાષાની મજા, મજાની ભાષા - 574



'અમારે ત્યાંથી ચોખ્ખી ગાયનું દૂધ મળશે.'  (!)


ભાષાની મજા, મજાની ભાષા - 573



'અમારી દુકાનેથી લેડીઝ ચામડાંનાં ચંપલ મળશે.'  (!)


ભાષાની મજા, મજાની ભાષા - 572



'દુકાનના ઓટલા ઉપર ફાલતુ માણસોએ બેસવું નહીં.' (!)


ભાષાની મજા, મજાની ભાષા - 571



'છેતરાવા માટે સામેની દુકાને શા માટે જાવ છો? અમારી દુકાને આવો ને.' (!)

Sunday, May 12, 2013

ભાષાની મજા, મજાની ભાષા - 570


સરદાર વલ્લભભાઈ પટેલને 'આર્યનમેન ઓફ ઇન્ડિયા' કે 'આયર્નમેન ઓફ ઇન્ડિયા' કહેવાય?


ભાષાની મજા, મજાની ભાષા - 569



એક સમાચારમાં પદક્રમની કમાલ અને ધમાલ જુઓ : 

'પચાસ ટકા ભારતના પરિવારોમાં સ્ત્રીઓ પતિનો ત્રાસ સહન કરવા છતાં મોઢું ખોલતી નથી.'
'ભારતના પચાસ ટકા પરિવારોમાં સ્ત્રીઓ પતિનો ત્રાસ સહન કરવા છતાં મોઢું ખોલતી નથી.'
'ભારતના પરિવારોમાં પચાસ ટકા સ્ત્રીઓ પતિનો ત્રાસ સહન કરવા છતાં મોઢું ખોલતી નથી.'
'ભારતના પરિવારોમાં સ્ત્રીઓ પચાસ ટકા પતિનો ત્રાસ સહન કરવા છતાં મોઢું ખોલતી નથી.'
'ભારતના પરિવારોમાં સ્ત્રીઓ પતિનો પચાસ ટકા ત્રાસ સહન કરવા છતાં મોઢું ખોલતી નથી.'
'ભારતના પરિવારોમાં સ્ત્રીઓ પતિનો ત્રાસ પચાસ ટકા સહન કરવા છતાં મોઢું ખોલતી નથી.'
'ભારતના પરિવારોમાં સ્ત્રીઓ પતિનો ત્રાસ સહન કરવા છતાં પચાસ ટકા મોઢું ખોલતી નથી.'
'ભારતના પરિવારોમાં સ્ત્રીઓ પતિનો ત્રાસ સહન કરવા છતાં મોઢું પચાસ ટકા ખોલતી નથી.'

આમાંથી સાચું સમાચાર-શીર્ષક શોધી કાઢો અને પોતે જાતે જ પોતાનો ખભો થાબડીને ખુશ થાવ !


ભાષાની મજા, મજાની ભાષા - 568



કિલ્લો મોટા ભાગે જૂનો જ હોય તેવા કિસ્સામાં 'પ્રાચીન કિલ્લો' લખવાની જરૂર ખરી?!


ભાષાની મજા, મજાની ભાષા - 567



'ન્યૂ કેસલ'નો ગુજરાતી અનુવાદ 'નૂતન કિલ્લો' કરશો તો કોઈ પૂછશે કે 'પ્રાચીન કિલ્લો' ક્યાં ગયો?!


ભાષાની મજા, મજાની ભાષા - 566



'ઓરેન્જ ફ્રી સ્ટેટ'નું ગુજરાતી ભાષાંતર 'નારંગીમુક્ત રાજ્ય' ન કરવું  !


ભાષાની મજા, મજાની ભાષા - 565



કોઈને વીજકરંટના શોકનો આંચકો લાગે તો એ વ્યક્તિ બચવાની શક્યતા કેટલી?!


ભાષાની મજા, મજાની ભાષા - 564



'આમ, જનતા સમજે એ જરૂરી છે.'
'આમ જનતા સમજે એ જરૂરી છે.'  (!)


ભાષાની મજા, મજાની ભાષા - 563



'અમારી હોટેલમાં ગુજરાતી, પંજાબી, સાઉથ ઇન્ડિયન ને ચાઈનીઝ વાનગીઓ મળશે.'
'અમારી હોટેલમાં ગુજરાતી, પંજાબી, સાઉથ ઇન્ડિયનને ચાઈનીઝ વાનગીઓ મળશે.'  (!)


ભાષાની મજા, મજાની ભાષા - 562



'બે બાળકો બસ છે.'
'બે બસ બાળકો છે.' (!)




ભાષાની મજા, મજાની ભાષા - 561



'કેરી ખાવામાં રસ ખરો કે નહીં?'
'કેરીનો રસ ખાવામાં ખરો કે નહીં?'



Saturday, May 11, 2013

ભાષાની મજા, મજાની ભાષા - 560



'સજાવટ' અને 'સમજાવટ' ભિન્ન છે!
'તન માટે ભલે સજાવટ હોય પણ મન માટે સમજાવટ જોઈશે!'

ભાષાની મજા, મજાની ભાષા - 559



સમાચાર-શીર્ષક : હું માત્ર હિંદુઓનો નેતા નથી : મુખ્યમંત્રી 

આ શીર્ષકમાં પદક્રમના ફેર કરીએ અને બદલાતા અર્થને જોઈએ : 

હું માત્ર હિંદુઓનો નેતા નથી : મુખ્યમંત્રી 
માત્ર હું હિંદુઓનો નેતા નથી : મુખ્યમંત્રી 
હું હિંદુઓનો માત્ર નેતા નથી : મુખ્યમંત્રી 
હું હિંદુઓનો નેતા માત્ર નથી : મુખ્યમંત્રી 
હું હિંદુઓનો નેતા નથી માત્ર : મુખ્યમંત્રી 


ભાષાની મજા, મજાની ભાષા - 558



ગુનાખોરીની સમાચાર-સામગ્રીમાં, અપહર્તાઓ દ્વારા જે તે વ્યક્તિને 'ગેરકાયદે' ગોંધી રાખવામાં આવે છે.
સવાલ : અપહર્તાઓ કોઈ વ્યક્તિને 'કાયદેસર' કેવી રીતે ગોંધી શકે?!

ભાષાની મજા, મજાની ભાષા - 557



ગેરકાયદે ગોંધી રાખવામાં આવેલી અગિયાર-બાર બાળાઓને મુક્ત કરાઈ 

ગેરકાયદે ગોંધી રાખવામાં આવેલી અગિયાર બાર બાળાઓને મુક્ત કરાઈ (!)

ભાષાની મજા, મજાની ભાષા - 556



'આપણી છોકરીને આ રસી વગર નહીં ચાલે.'

'આપણી છોકરીને આરસી વગર નહીં ચાલે.' (!)


Friday, May 10, 2013

ભાષાની મજા, મજાની ભાષા - 555



'ડૉક્ટરે તમારા હૃદયમાં 'સ્ટેન્ટ'ની જગ્યાએ 'સ્ટેન્ડ' બેસાડ્યું હોય તો તમે હવે ક્યાંય અને ક્યારેય ઊભા નહીં રહો?!' 


ભાષાની મજા, મજાની ભાષા - 554



'અવકાશયાત્રી હોય તો પણ, હૃદયની તકલીફમાં 'સ્પેસમેકર' નહીં, પણ 'પેસમેકર' જ મુકાવું પડે!'  


ભાષાની મજા, મજાની ભાષા - 553



જાહેરમાં જનેતાએ પુત્રની હત્યા કરતાં ચકચાર મચી ગઈ 
જાહેરમાં જ નેતાએ પુત્રની હત્યા કરતાં ચકચાર મચી ગઈ (!)


ભાષાની મજા, મજાની ભાષા - 552



'શાક-ભાજી વઘારવાં શું જોઈએ?'
'મસાલો'
'શાક-ભાજી વધારવાં શું જોઈએ?'
'ખાતર' (!)


ભાષાની મજા, મજાની ભાષા - 551



'સાવરકરથી અંગ્રેજો પરેશાન હતા?'
'સાવ ર કરથી અંગ્રેજો પરેશાન હતા?' (!)



ભાષાની મજા, મજાની ભાષા - 550



આપણાં માટે મોજું એટલે હાથનું કે પગનું, પરંતુ આપણાં સમાચારપત્રોમાં 'ગરમીનું મોજું' કે 'શોકનું મોજું' ફરી વળતું હોય છે!

ભાષાની મજા, મજાની ભાષા - 549



અકસ્માત વિષયક સમાચાર-સામગ્રીમાં ટ્રક 'માતેલા સાંઢ'ની જેમ જ 'ધસમસતી' આવતી હોય છે!


ભાષાની મજા, મજાની ભાષા - 548



આપણી વાર્તાઓમાં પારેવું 'ભોળું' અને શિયાળ 'લુચ્ચું' હોય છે!


Thursday, May 9, 2013

Wednesday, May 8, 2013

અંગ્રેજી ભાષા, દેશી મજા : 45


તમે અમદાવાદના 'સેટેલાઈટ' વિસ્તારમાં રહો છો? આટલું અવશ્ય કરો : 'સેટેલાઈટ'ની અંગ્રેજી જોડણી સુધારો અને સુધરાવો.કારણ કે, કેટલાક લોકો 'Satellite'ની જગ્યાએ 'Sattelite' લખે છે!



ભાષાની મજા, મજાની ભાષા - 546



'શુચિ' નામની છોકરીને મહેરબાની કરીને 'સૂચિ' કહીને ન બોલાવશો! 


Tuesday, May 7, 2013

ભાષાની મજા, મજાની ભાષા - 545



'સહકારી મંડળી' અને 'સરકારી મંડળી' ભિન્ન છે?!


ભાષાની મજા, મજાની ભાષા - 544



સૂચના : 'દુકાન નીચે ભોંયરામાં છે.'
સવાલ : ભોંયરું ઉપર હોય તો શું લખશો?!


ભાષાની મજા, મજાની ભાષા - 543



'સ્વાધ્યાય પરિવાર' માટે એ સ્થળ 'ભાવ-નિર્જર' નહીં, પણ 'ભાવ-નિર્ઝર' છે! 


ભાષાની મજા, મજાની ભાષા - 542



એ છોકરીનું નામ 'નિર્ઝરા શાહ' કરતાં 'નિર્જરા શાહ' હોવાની શક્યતા વધારે છે!


ભાષાની મજા, મજાની ભાષા - 541



'નિર્જર' અને 'નિર્ઝર' અલગ-અલગ અર્થ ધરાવે છે?!


Monday, May 6, 2013

ભાષાની મજા, મજાની ભાષા - 540


કોઈને ખજૂર ભાવતી હોય છે તો કોઈને ખજૂર ભાવતો હોય છે. પરંતુ, તમને ખજૂર ભાવતું હોવું જોઈએ!

ભાષાની મજા, મજાની ભાષા - 539



અમદાવાદમાં ભલે ચા પીવી પડે પણ અમરેલીમાં તો ચા પીવો જ પડશે !

ભાષાની મજા, મજાની ભાષા - 538



અમદાવાદનાં સમાચારપત્રોમાં ટ્રક બેફામ ગતિએ હંકારવામાં આવતી હોય છે. 
રાજકોટનાં સમાચારપત્રોમાં ટ્રક બેફામ ગતિએ હંકારવામાં આવતો હોય છે. (!)



ભાષાની મજા, મજાની ભાષા - 537



કિરણ જો છોકરો હોય તો કેવો હશે?
કિરણ જો છોકરી હોય તો કેવી હશે?
કિરણ જો સૂર્યનું હોય તો કેવું હશે?



ભાષાની મજા, મજાની ભાષા - 536



'તમારે ખર્ચ કરવો પડશે કે તમારે ખર્ચ કરવું પડશે કે પછી તમારે ખર્ચ કરવો પણ પડશે અને ખર્ચ કરવું પણ પડશે?!'


ભાષાની મજા, મજાની ભાષા - 535



'હું તમને કુલ ટોટલ સરવાળો કરીને જ આ રકમ કહું છું.'

ભાષાની મજા, મજાની ભાષા - 534



'મોટા ભાગના નિયમો ઓન પેપર ઉપર જ હોય છે.'

ભાષાની મજા, મજાની ભાષા - 533



'આખા ઓલ ઇન્ડિયામાં આવો કોઈ સરકારી પરિપત્ર હોઈ જ ન શકે.'  


ભાષાની મજા, મજાની ભાષા - 532



'મેં મારું કામ કમ્પ્લિટ પૂરું કરી દીધું છે.'


ભાષાની મજા, મજાની ભાષા - 531



'એઝ એ ચેરમેન તરીકે હું આ વાત કરી રહ્યો છું.' 

Saturday, May 4, 2013

ભાષાની મજા, મજાની ભાષા - 529



શીર્ષક : સ્વ. મગનભાઈ હવે આપણી વચ્ચે નથી રહ્યા   
સવાલ : આપણી વચ્ચે હતા ત્યારે પણ મગનભાઈ સ્વર્ગસ્થ જ હતા?!   


ભાષાની મજા, મજાની ભાષા - 530



શીર્ષક : અતિવૃષ્ટિ અંગે હવામાનખાતાએ પહેલેથી જ આગાહી કરી હતી   
સવાલ : આગાહી પહેલેથી જ થાય કે પછીથી પણ થઈ શકે?!   

ભાષાની મજા, મજાની ભાષા - 528



શીર્ષક : નવોઢાએ ગળે ફાંસો ખાઈને મોતને વહાલું કર્યું 
સવાલ : નવોઢા પાસે મોતને વહાલું કરવા માટે, ગળા સિવાય શરીરનાં બીજાં કયાં અંગો ફાંસો ખાવા માટે ઉપલબ્ધ અને અસરકારક હતાં ?!   


ભાષાની મજા, મજાની ભાષા - 527




શીર્ષક : ફટાકડાના કારખાનામાં આગ લાગતા બાર કારીગરો જીવતા હોમાયા 
સવાલ : કારીગરો મરેલા હોમાયા હોત ખરા?!  



ભાષાની મજા, મજાની ભાષા - 526



શીર્ષક : ઘરફોડ ચોર ધાબા ઉપરથી નીચે પટકાયો
સવાલ : ચોર ઉપર પટકાયો હોત ખરો?!  

Friday, May 3, 2013

ભાષાની મજા, મજાની ભાષા - 525



આપણા એ કવિના કિસ્સામાં સાચું શું?
'યશચંદ્ર' કે 'યશશ્ચંદ્ર'?!

ભાષાની મજા, મજાની ભાષા - 524



આપણા કવિ 'શીતાંશુ' છે કે 'સિતાંશુ'?!  

ભાષાની મજા, મજાની ભાષા - 523



'શીતાંશુ' અને 'સિતાંશુ' અલગ-અલગ અર્થ ધરાવે છે?! 

ભાષાની મજા, મજાની ભાષા - 522



'શિશુ' અને 'સીસું' ભિન્ન છે!

ભાષાની મજા, મજાની ભાષા - 521



'શિશુ'માં હૃસ્વ 'ઇ' આવે કે 'દીર્ઘ 'ઈ',  હૃસ્વ 'ઉ' આવે કે 'દીર્ઘ 'ઊ' આવે એવી શંકા રહેતી હોય તો આ યુક્તિ અજમાવી જુઓ : 

'શિશુ' એટલે બાળક. કોઈ પણ 'શિશુ' નાનું જ  હોય એ ન્યાયે અને વ્યવસ્થાએ જે 'ઇ' અને  'ઉ' લઘુ એટલે કે હૃસ્વ હોય એ આવે.અર્થાત 'શિશુ'માં હૃસ્વ 'ઇ' અને હૃસ્વ 'ઉ' કરવામાં કોઈ જ જોખમ નથી ! 



ભાષાની મજા, મજાની ભાષા - 520



'વિના સહકાર, નહીં ઉદ્ધાર'
'વિના સરકાર, નહીં ઉધાર' (!)

ભાષાની મજા, મજાની ભાષા - 519



'તે અધિકારી સક્ષમ છે.'
'તે અધિકારી સમક્ષ છે.'

ભાષાની મજા, મજાની ભાષા - 518



આપણાં સમાચારપત્રોમાં બચાવ હંમેશાં 'ચમત્કારિક' જ થતો હોય છે!

ભાષાની મજા, મજાની ભાષા - 517



ધસમસતા પૂર છતાં નદીનો ચમત્કારિક બચાવ થયો. 
ધસમસતા પૂર છતાં નંદીનો ચમત્કારિક બચાવ થયો. (!)


ભાષાની મજા, મજાની ભાષા - 516



'એ મનાઈ-હુકમમાં શું લખ્યું છે?'
'એમના ઈ-હુકમમાં શું લખ્યું છે?' (!)

Thursday, May 2, 2013

ભાષાની મજા, મજાની ભાષા - 515



'બાળક-નૈયા' કે 'બાળ-કનૈયા' ?!

  

ભાષાની મજા, મજાની ભાષા - 514



' વાળ કરતાં પાતળા રેસાની શોધ થઈ '  
' વાળ પાતળા કરતાં રેસાની શોધ થઈ ' (!)


ભાષાની મજા, મજાની ભાષા - 513



એક ભાઈએ એક સમાજસેવિકાને પૂછ્યું : " બહેન, તમે કેટલાં વર્ષથી બાર પ્રવૃત્તિ કરો છો? "

તા.ક. : " ઓ મારાં મોટાં બહેન, ખોટું ન લગાડતાં. તમારી જાણ માટે સ્પષ્ટતા કરી દઉં કે, એ ભાઈ 'ળ'નો 'ર' બોલે છે ! "  

ભાષાની મજા, મજાની ભાષા - 512



આપણા માટે ભલે એ બિનજરૂરી હોય, પરંતુ મદારી માટે એ બીન જરૂરી હોય છે !    


ભાષાની મજા, મજાની ભાષા - 511



વાદ્ય આપણે  બેસીને વગાડીએ,
વા આપણને વગાડી બેસે !


Wednesday, May 1, 2013

અંગ્રેજી ભાષા, દેશી મજા : 44


'A snake is in the hole.'

'A snack is in the hall.'

ભાષાની મજા, મજાની ભાષા - 509



ભારતના એક રાજકારણીનું નામ ગુલામનબી આઝાદ છે. એમના નામ અને એમની અટકમાં 'વિરોધાભાસ' જોવા મળે છે !

ભાષાની મજા, મજાની ભાષા - 510



અમે જિંદગીમાં પહેલીવાર જે વ્યંડળને જોયો તેનું નામ 'પુરુષોત્તમ' હતું! 

ભાષાની મજા, મજાની ભાષા - 508



ગુજરાતના એક પત્રકારનું નામ અશોક હર્ષ છે. એમનું નામ અને એમની અટક સમાનાર્થી જણાય છે !

ભાષાની મજા, મજાની ભાષા - 507



વેદ દવે : એક છોકરાનું એવું નામ જે આગળથી અને પાછળથી વાંચો તો પણ સરખું લાગે !

ભાષાની મજા, મજાની ભાષા - 506



મીરા રામી : એક છોકરીનું એવું નામ જે આગળથી અને પાછળથી વાંચો તો પણ સરખું લાગે !


ભાષાની મજા, મજાની ભાષા - 505



'દ્વીપ ઉપર દ્વીપીને જોઈને અમે બધાં ગભરાઈ ગયાં ! 

ભાષાની મજા, મજાની ભાષા - 504



આગળ સૂંઢ લટકતી હોય તે 'દ્વિપ'માં દેખી શકાય છે, પણ 'દ્વીપ'માં એ શક્ય નથી!


ભાષાની મજા, મજાની ભાષા - 503



'દ્વીપસમૂહ ઉપર દ્વિપસમૂહ જોવા મળે એ વાત સ્વીકારી શકાય એમ છે ?!


ભાષાની મજા, મજાની ભાષા - 502



'તમારે ત્યાં ભેંસ-ગાય છે?'
'હા'
'તમારે ત્યાં ભેંસ ગાય છે?' 
'ક્યારેય નહીં' (!)  


ભાષાની મજા, મજાની ભાષા - 501



'પરાર્મશ' નહીં 'પરામર્શ' કરો !