Thursday, October 31, 2013

ભાષાની મજા, મજાની ભાષા - 711


'ધનતેરસ'
'ધન તે રસ' (!)


વનની વચ્ચે વર્ગ


૨૦૧૩માં વલસાડ જિલ્લામાં ગ્રામજીવન-પદયાત્રા

Photograph : Ashwinkumar / છબી : અશ્વિનકુમાર


તારીખ : 26-10-2013થી 30-102013

યાત્રાનું કેન્દ્ર ગામ : બીલપુડી
પદયાત્રાનાં ગામ :  ચિન્ચોઝર, કેળવણી, ટીટુખડક, ઉકતા
તાલુકો : ધરમપુર, જિલ્લો : વલસાડ


Tuesday, October 29, 2013

ભાષાની મજા, મજાની ભાષા - 710


માત્ર એક જ માત્રા, કેવળ એક જ સ્થાન બદલશે તો વ્યક્તિનો ફક્ત પ્રદેશ જ બદલાશે!
જો આવું ખરેખર થાય તો હરિયાણવી કપિલ દેવ ગુજરાતી કપિલ દવે બની જશે! 


Monday, October 28, 2013

નિમ્નલિખિત સૂચનાની પહેલી લીટી કઈ ભાષામાં છે?


Photograph : Ashwinkumar / છબી : અશ્વિનકુમાર




સાહિત્યકાર યશવંત મહેતાને જન્મદિને અભિવંદન ...


Photograph : Ashwinkumar / છબી : અશ્વિનકુમાર

યશવંત મહેતા
જન્મ : ૧૯-૦૬-૧૯૩૮

એમણે ૧૯-૦૬-૨૦૨૧ સુધીમાં લખેલાં પુસ્તકોની સંખ્યા : ૫૧૪ 

એમણે ૧૭-૦૭-૨૦૨૩ સુધીમાં લખેલાં પુસ્તકોની સંખ્યા : ૫૩૪ 



Friday, October 25, 2013

'પુરુષ'નું અતિ બહુવચન !


Photograph : Ashwinkumar / છબી : અશ્વિનકુમાર

અંગ્રેજી 'Mens'નું ગુજરાતી ભાષાંતર 'પુરુષોઓ' કરવું જોઈએ !

Saturday, October 19, 2013

ભાષાની મજા, મજાની ભાષા - 703


‘મુમુક્ષા’ એટલે ‘મોક્ષની ઇચ્છા’, ‘મુમૂર્ષા’ એટલે ‘મરવાની ઇચ્છા’


Friday, October 18, 2013

દાક્તર બિનાયક : માનવ-અધિકારના નાયક


Photograph : Ashwinkumar / છબી : અશ્વિનકુમાર

ડૉ. બિનાયક સેન : ગૂજરાત વિદ્યાપીઠના સાઠમા પદવીદાન સમારંભના મુખ્ય મહેમાન  

૧૮-૧0-૨૦૧૩ 
શુક્રવાર 

Thursday, October 17, 2013

Tuesday, October 15, 2013

ક્ષણિક નહીં, શૈક્ષણિક પ્રવાસ !


છબીયંત્ર-કળદાબકર્મ : મયૂર માકડિયા

ઉપસ્થિતિ : પત્રકારત્વ વર્ષ એકના અનેક વિદ્યાર્થીઓ 
ઉપક્રમ : રાષ્ટ્રીય સેવા યોજના શિબિર  
સ્થળ : સૂર્ય મંદિર, મોઢેરા 
સાલ : ૨૦૦૯ 


Monday, October 14, 2013

વારલી ચિત્ર : હરણીય અને રમણીય


Photograph : Ashwinkumar / છબી : અશ્વિનકુમાર


સ્થળ : થાણે જિલ્લો, મહારાષ્ટ્ર
તારીખ : ૧૭-૧૧-૨૦૧૨


Thursday, October 10, 2013

શૈશવના શ્વાસમાં


Photograph : Ashwinkumar / છબી : અશ્વિનકુમાર


બાળપણને યાદ કરીએ ને એમ પણ બને,
ગલૂડિયાંનું ઘર બનાવ્યું હોય એમ પણ બને !


વિસરાતી વાનગી : વેલણ-લાપસી


Photograph : Ashwinkumar / છબી : અશ્વિનકુમાર

Wednesday, October 9, 2013

ભાષાની મજા, મજાની ભાષા - 700


'નક્કારા મન અને નક્કોરડા તન છતાં, તમે કરેલું નક્કોર કામ નક્કર છે એવું નક્કી કોણ કરશે?!'


Tuesday, October 8, 2013

Monday, October 7, 2013

ભાષાની મજા, મજાની ભાષા - 699




શબ્દોમાં થોડો ફેરફાર, અર્થમાં ઘણો ફેરફાર : 

'કેસરથી શરીરમાં જોમ આવે છે.'
'કેન્સરથી શરીરમાં જોખમ આવે છે.' (!)


Sunday, October 6, 2013

મોહનદાસ : એક ડેલામાંથી નીકળ્યા, અનેક દિલમાં પ્રવેશ્યા


Photograph : Ashwinkumar / છબી : અશ્વિનકુમાર


મોહનદાસ કરમચંદ ગાંધીનો રાજકોટ  મુકામ


ભાષાની મજા, મજાની ભાષા - 698


કોઈ શબ્દમાં જગ્યા છોડતી વખતે ચૂક થશે તો એ શબ્દ વાક્યમાં ફેરવાઈ જશે : 

શબ્દ : 'આડકતરી' 
વાક્ય : 'આ ડક તરી' (!)



Friday, October 4, 2013

ભાષાની મજા, મજાની ભાષા - 697


'લૂગડાં ઉતારીને વાંચજો.'

એક કાળે, કોઈના મરણના સમાચાર આપતા પત્રની શરૂઆતમાં આ મુજબનું લખાણ કરવામાં આવતું.   કોઈ અશુભ બનાવને સૂચવવા માટે આ એક જ વાક્ય પૂરતું અસરકારક બની રહેતું !


Thursday, October 3, 2013

ભાષાની મજા, મજાની ભાષા - 696


'પુષ્કળ' અને 'પુષ્કર' ભિન્ન-ભિન્ન અર્થ ધરાવે છે.

દા.ત. : 'આપણાં શહેરોમાં પુષ્કળ પુષ્કરનો બગાડ થાય છે.'

'પુષ્કળ' એટલે 'ખૂબ' અને 'પુષ્કર' એટલે 'પાણી'.


રાજમોહનની હાજરીમાં મોહનદાસના 'હરિજન'ને નવજીવન !


હેમંતકુમાર શાહ, ધીરુભાઈ મહેતા, રાજમોહન ગાંધી, વિવેક દેસાઈ


Photograph : Ashwinkumar / છબી : અશ્વિનકુમાર

ઉપક્રમ : 'હરિજન'(ઈ.સ. ૧૯૩૩થી ઈ.સ. ૧૯૫૬)ના અંકોનું લોકાર્પણ
સ્થળ : નવજીવન પ્રકાશન મંદિર, અમદાવાદ - ૩૮૦ ૦૧૪
તારીખ : ૦૨-૧૦-૨૦૧૩


Tuesday, October 1, 2013

ગાંધીજીને અક્ષરાંજલિ | Gandhi Font


ગાંધીજી વિષયક અનોખી દૃશ્ય-શ્રાવ્ય સામગ્રી સારુ નીચેની કડી થકી પહોંચો :

https://www.youtube.com/watch?v=o0T25keK26U

એક બાઉન્સરનો ખુલ્લો પત્ર // હળવે હૈયે, ભારે ભુજાએ //


Photograph : Ashwinkumar / છબી : અશ્વિનકુમાર

.............................................................................................................................

એક બાઉન્સરનો ખુલ્લો પત્ર

અશ્વિનકુમાર
.............................................................................................................................

આદરણીય આ.પા.,

તમે મજામાં નથી. હું પણ મજામાં નથી. તમે ગુજરાતના સૌથી મોટા વિશ્વવિદ્યાલયના એકમોટામાણસ થઈને (ના)રાજીનામું આપ્યું એ મને નથી ગમ્યું. તમને યાદ હશે કે હું તમારી આગળ-આગળ ફર્યા કરતો હતો. કારણ કે, તમે મારી પાછળ-પાછળ ફર્યા કરતા હતા. લોકો માટે તમેસરહતા, તમારા માટે અમેબાઉન્સરહતા. મને એવું સતત લાગતું હતું કે તમે ઈશ્વરથી ડરતા નહોતા. જોકે તમે ઈશ્વરભાઈ, ઈશ્વરદાન કે ઈશ્વરસિંહ જેવા કોઈ વિદ્યાર્થી-નેતાઓથી ડરતા હતા.

અમારી નિમણૂક કરીને તમે ગુજરાતના શિક્ષણજગતમાં પહેલી વખતબળનું મહિમાગાન કર્યું હતું. બાકી ( જો કાંઈ રહ્યું હોય તો ), આપણી સમગ્ર શિક્ષણ પદ્ધતિમાંબુદ્ધિની જ ગૌરવગાથા ગવાતી રહી છે. હું તો આપના જ વિશ્વવિદ્યાલયના નામ સાથે નામનું જ જોડાણ ધરાવતી એક શિક્ષણસંસ્થામાં વિનયન વિદ્યાશાખામાં અભ્યાસ કરવાનો પ્રયત્ન કરતો હતો. મને પ્રથમ વર્ષના બીજા સત્રમાં ત્રીજા પ્રયાસના અંતે પણ આ ચાર જ અક્ષરો મળ્યા હતા :એ.ટી.કે.ટી.’. અંગ્રેજી ભાષા સાથે સલામત અંતર રાખવાના કારણે મને એ પણ માલૂમ નથી કેએટુકેટુએટલે શું? પરંતુ, અનુત્તીર્ણ થનાર દરેક વિદ્યાર્થીના મનમાંએ.ટી.કે.ટી.એટલેઆવું તે કેમ થયુંએવો એક જ ભાવ અને એ જ ભૂવો ધૂણતો હોય છે.

જોકે, અભ્યાસમાં વધુ અને વધુ ઠેબાં ખાવાં એના કરતાં તો સમગ્ર શિક્ષણને જ ઠોકર મારવી એ ઉભય પક્ષે હિતાવહ છે એમ માનીને મેં વિનયન-મહાશાળામાંથી પ્રવેશ રદ કરાવીને વ્યાયામશાળામાં કસરતવીરનો વેશ સ્વીકારી લીધો. બુદ્ધિના બદલે મેં બાવડાં કસ્યાં. કેટલાક અખાડા-આગંતુકોની જેમ મેં પણ વીર હનુમાનની તસવીર હૃદયમાં રાખી, નટ સલમાનની તસવીર મોબાઈલ ફોનના પડદા ઉપર રાખી. ઘણાં વર્ષોના શિક્ષણમાંથી મને જે ન મળ્યું, તે થોડા મહિનાઓના પ્રશિક્ષણમાંથી મળ્યું. કેવળ બાવડાંના જોરે મને બાઉન્સરની નોકરી મળી ગઈ. સરકારે તમને વાઈસ ચાન્સેલર તરીકે નિમણૂક આપી, તમે અમને વાઈલ્ડ બાઉન્સર તરીકે છૂટછાટ આપી. સ્નાયુસજ્જ હોવાથી મને મહિને અમુક-તમુક હજાર રૂપિયા પગારપેટે મળતા હતા. હું સ્નાતક થયો હોત તોપણ મને આટલો પગાર ન મળત.

બાઉન્સરજેવો મજબૂત શબ્દ ક્રિકેટની રમતમાં જ સીમિત થઈ ગયો હતો. તમે ગુજરાતના જાહેર જીવનમાંબાઉન્સરશબ્દને ઉછાળીને એને નવી ઓળખ આપી છે. યુવાનોની બેરોજગારી દૂર કરવાની તમારી દીર્ઘ-દૃષ્ટિને વિરોધીઓએ શંકાની નજરે જોઈ એ આ રાષ્ટ્રનું દુર્ભાગ્ય છે. અત્યાર સુધી કેટલાક જ રાજકારણી-ધનકારણી-ધર્મકારણી કે અભિનેતા-અભિનેત્રી-ખેલાડીને જ બાઉન્સર રાખવાનું પોષાતું હતું. ભારતનાં અમુક રાજ્યો કે મહાનગરોમાં જ બાઉન્સર જોવા મળતા હતા. તમે એક જ ઝાટકે અડધો ડઝન બાઉન્સર ખડકી દઈને આ વ્યવસાયનો ગુજરાત જેવા ‘શાકાહારી’ રાજ્ય અને શિક્ષણ જેવા ‘પવિત્ર’ ક્ષેત્રમાં પણ સફળ પ્રવેશ કરાવ્યો હતો. તમે જો વધારે ટક્યા હોત તો પ્રત્યેક ગુજરાતીનું એક જ સ્વપ્ન હોત કે, મારે પણ એક બાઉન્સર હોય. જે લોકોનેબાઉન્સરન પરવડી શકે તેવા લોકો છેવટેગૂગલીપણ રાખવાનું વિચારત.ગૂગલીએટલે એવા બાઉન્સર’, કે જે તૂટલકડી શરીર અને એકવીસ વર્ષની વયે જ બેતાળાં ચશ્માં ધરાવતાં હોય.

ગુજરાતના શિક્ષણ-જગત માટેબાઉન્સરએ કેવળ શબ્દ નહીં, પણ પારાવાર શક્યતા છે. આપની પૂર્વેના કુલપતિને તો આ ઘટનાક્રમમાંથી એક આખા અભ્યાસક્રમની માદક પરિમલ આવી હોત. તેમણેબેચલર ઇન બાઉન્સરોલોજીકેમાસ્ટર ઓફ બાઉન્સર્સ એડમિનિસ્ટ્રેશનજેવા નવા પાઠ્યક્રમ ઘડી કાઢ્યા હોત. જો પૂરતી સંખ્યામાં વિદ્યાર્થીઓ ન મળ્યા હોત તો તેમણે શારીરિક શિક્ષણના ત્રણ વર્ષના સ્નાતક અભ્યાસ સાથેપરઅંગરક્ષણવિદ્યાના નિઃશુલ્ક પ્રમાણપત્રની યોજના ઘડી કાઢી હોત.

તમને સત્તાધીશોએ આદેશના પાલન માટે મોકલ્યા હતા. એ વાત જુદી છે કે તમે તો ખુદ જ નામની જગ્યાએ વિશેષણ તરીકે વર્તવા માંડ્યા. કમનસીબ અને યોગાનુયોગ બાબત એ છે કે તમારી શૈક્ષણિક સેવાનો લાભ નવા રિવાજ મુજબ ફક્ત અગિયાર મહિના માટે જ લેવામાં આવ્યો. વિરોધીઓને ઊંચકીને ફેંકી દેવાય એટલા માટે તમને અમારા જેવાબાઉન્સરની જરૂર પડી. જોકે તમને આટલી ઝડપથી ઊંચકીને ફેંકી દેનાર સ્વયંસ્થાપિત-મહામાનવને તો છ કરોડ ગુજરાતીઓએમેગા બાઉન્સરનહીં, પરંતુગીગા બાઉન્સરના નામથી જ નવાજવા જોઈએ. ઓગસ્ટ, બે હજાર તેરના પહેલા જ અઠવાડિયામાં તમારું રાજીનામું પડી ગયું. બાકી, પંદરમી ઓગસ્ટે ધ્વજવંદન વેળા, અમ છ નંગબાઉન્સરની મધ્યે રહીને તમે વિદ્યાર્થીઓને ગાંધી-સરદાર-નર્મદ-મેઘાણી-વિવેકાનંદ-ભગતસિંહ જેવા નામ-હવાલા આપીનેઅભયનો ગુણ વિકસાવવાનું કહ્યું હોત. પરિણામે, અગાઉથી લાવી રાખેલી જથ્થાબંધ તાળીઓએ પડવા સિવાય છૂટકો જ નહોતો. ભવિષ્યના ઇતિહાસે આ ક્ષણ ગુમાવી એ વર્તમાન શિક્ષણનું જ દુર્ભાગ્ય ગણાવું જોઈએ.

અંતે એટલું જ કહેવાનું કે, તમારી તબિયત ખાસ જાળવજો. આરોગ્યનાખાસકારણોસર કેટલાકખાસપરવાના ફરી કઢાવવા પડે તો દાક્તરોનેખાસવિનંતી કરજો.


બાઉન્સરહોવાના કારણે, જેને હિસાબ વિભાગ દ્વારા,
નો-બોલજાહેર કરાયો છે તે આપનો વિશ્વાસુ...
તનલઠ્ઠ બુદ્ધિદુર્લભ બાવડાંવાળા
(૩૧મી ઓગસ્ટ, ૨૦૧૩)


..........................................................................................................................

સૌજન્ય : 
'નિરીક્ષક', 01-10-2013, પૃષ્ઠ : 14