ગાંધીજી કહે છે : સ્ત્રી વિશે

ચિ.જમના ઉર્ફે સુમતિ,

સાસરે જાય એટલે સ્ત્રીને જુદું નામ શું કામ?

પુરુષને કેમ નહીં? મને એ રિવાજ બહુ કઠે છે.

તારું નામ અસલ તો જમના છે. એ મને લાગે છે મેં અહીં જ જાણ્યું.

- બાપુ

   

સુમતિબહેન એસ. મોરારજીને પત્ર

૨૨-૦૫-૧૯૪૫

ગાંધીજી કહે છે : તમારી સ્ત્રી વિશે

"યાદ રાખવું કે તમારી સ્ત્રી એ કંઈ તમારી મિલકત કે રાચરચીલું નથી, જેમ તમે એનું રાચરચીલું નથી. એ તમારી અર્ધાંગી છે, સહધર્મિણી છે, એ રીતે લેખીને તેની જોડે વર્તો. તમે જોશો કે તેવો પ્રયોગ કર્યાને સારુ તમને પસ્તાવું નહીં પડે."

- ગાંધીજી 

સેવાગ્રામ, માર્ચ ૫, ૧૯૪૦

'હરિજન', ૦૯-૦૩-૧૯૪૦