Showing posts with label Spinning Wheel. Show all posts
Showing posts with label Spinning Wheel. Show all posts

Wednesday, October 7, 2026

ગૂજરાત વિદ્યાપીઠના વિદ્યાર્થીઓ અને સેવકો દ્વારા રેંટિયા બારસની ઉજવણી


Photograph : Dr. Ashwinkumar / છબી : ડૉ.અશ્વિનકુમાર

મહાત્મા ગાંધી દ્વારા 1920માં સ્થાપિત ગૂજરાત વિદ્યાપીઠના વિધવિધ વિભાગના સેવકો અને વિદ્યાર્થીઓ દ્વારા બાપુની જન્મતિથિની ઉજવણી નિમિત્તે રેંટિયા નિદર્શન-સમજ કાર્યક્રમનું આયોજન કરવામાં આવ્યું હતું. આ કાર્યક્રમ અમદાવાદ શહેરની મ્યુનિસિપલ સ્કૂલ બોર્ડની વિવિધ શાળાઓમાં રેંટિયા બારસ (ભાદ્રપદ માસ, કૃષ્ણ પક્ષ બારસ, વિક્રમ સંવત 2082; તા. 07 ઑક્ટોબર 2026, બુધવાર)ના દિવસે યોજાયો હતો.

Photograph : Nikunj Pandya / છબી : નિકુંજ પંડ્યા

ગૂજરાત વિદ્યાપીઠના પત્રકારત્વ અને સમૂહ પ્રત્યાયન વિભાગના પહેલા સત્રના નવ વિદ્યાર્થીઓએ વિભાગીય અધ્યક્ષ સાથે, નારણપુરા ગામમાં આવેલી નારણપુરા ગુજરાતી શાળા ક્રમાંક 1ના પરિસરમાં રેંટિયા નિદર્શન-સમજ કાર્યક્રમનું આયોજન કર્યું હતું. આ શાળામાં 183 બહેનો અને 169 ભાઈઓ એમ કુલ 352 વિદ્યાર્થીઓ અભ્યાસ કરે છે.

Photograph : Dr. Ashwinkumar / છબી : ડૉ.અશ્વિનકુમાર

કાર્યક્રમનો પ્રારંભ ગાંધીજીને પ્રિય એવા ‘વૈષ્ણવજન તો તેને રે કહીએ’ ભજનથી કરવામાં આવ્યો હતો. સમૂહ-સામેલગીરીની આ પ્રસ્તુતિમાં કવિતા, મનીષા, અને માધવીએ વિશેષ જવાબદારી નિભાવી હતી. શાળાના આચાર્યશ્રી પ્રવીણભાઈ પ્રજાપતિએ શબ્દગુચ્છથી સ્વાગત કર્યું હતું. વિભાગાધ્યક્ષ ડૉ. અશ્વિનકુમારે ‘રેંટિયા બારસ’ કાર્યક્રમની ભૂમિકા બાંધી હતી. તેમણે આચાર્યશ્રીને ગાંધીજીની આત્મકથા ‘સત્યના પ્રયોગો’ પુસ્તક ગૂજરાત વિદ્યાપીઠ વતી ભેટ આપ્યું હતું. વિદ્યાર્થિની વિશ્વાએ ગૂજરાત વિદ્યાપીઠ વિશે, પ્રિયાએ રેંટિયા વિશે, અને શીતલે રેંટિયા બારસ વિશે રસપ્રદ વિગતો રજૂ કરી હતી.

Photograph : Dr. Ashwinkumar / છબી : ડૉ.અશ્વિનકુમાર

ત્યારબાદ, ટુકડીના તમામ દસ સભ્યોએ શાળાના વિદ્યાર્થીઓ અને શિક્ષકો સમક્ષ રેંટિયાનું નિદર્શન કર્યું હતું. તેમણે શાળાનાં બહેનો-ભાઈઓની વચ્ચે બેસીને, રેંટિયાના પ્રત્યેક ભાગની વિગતે સમજણ આપી હતી. તેમણે પૂણીથી માંડીને આંટી સુધીની પ્રક્રિયા સમજાવીને તાર કાંતી બતાવ્યા હતા. શાળાના વિદ્યાર્થીઓએ અને શિક્ષકોએ પણ રેંટિયા ઉપર હાથ અજમાવીને તાર કાંત્યા હતા.

Photograph : Dr. Ashwinkumar / છબી : ડૉ.અશ્વિનકુમાર

વર્ગ-પ્રતિનિધિ નિહારે સમગ્ર કાર્યક્રમનું સંચાલન કર્યું હતું. અંકિતે તસવીર-દસ્તાવેજીકરણ અને ઓમે દૃશ્ય-શ્રાવ્ય નિર્માણ કર્યું હતું. 'રાષ્ટ્રગીત'ના સામૂહિક ગાન થકી 'રેંટિયા બારસ' કાર્યક્રમ સંપન્ન થયો હતો.

Why does a university in Gujarat celebrate Gandhi Jayanti on Oct 7? || Indian Express || Parimal A Dabhi


https://indianexpress.com/article/explained/why-does-a-university-in-gujarat-celebrate-gandhi-jayanti-on-oct-7-10910716/

Sunday, September 29, 2024

ભાષાની મજા, મજાની ભાષા - 1527


તિથિ પ્રમાણે મોહનદાસ કરમચંદ ગાંધી ભાદરવા વદ બારશના રોજ જન્મ્યા હતા.
ગાંધીજીની જન્મતિથિ 'રેંટિયાબારસ' તરીકે ઊજવાય છે.


'... હું સંવત ૧૯૨૫ના ભાદરવા વદ ૧૨ને દિવસે, એટલે સને ૧૮૬૯ના ઑક્ટોબરની બીજી તારીખે, પોરબંદર અથવા સુદામાપુરીમાં જન્‍મ પામ્‍યો.'

- મોહનદાસ કરમચંદ ગાંધી
સત્યના પ્રયોગો અથવા આત્મકથા / ભાગ પહેલો : ૧. જન્મ