ભાષાની મજા, મજાની ભાષા - 728

'રકાબ' એટલે 'પેંગડું'.

'રકાબી' એટલે 'છીછરું વાસણ'.

અંગ્રેજી ભાષા, દેશી મજા : 106

'just' અને 'ice' એ બંને શબ્દો જુદા પ્રયોજો તો જુદા અર્થ મળે.

'just' અને 'ice' એ બંને શબ્દો સાથે પ્રયોજો તો 'ન્યાય' મળે!

ભાષાની મજા, મજાની ભાષા - 727

'સલિલ' એટલે 'પાણી'.

'સલીલ' એટલે 'લીલા, ક્રીડા કે વિલાસવાળું'.

ભાષાની મજા, મજાની ભાષા - 726

આ પૈકી કયો શબ્દ સાચી રીતે લખ્યો કહેવાય? :

(1) 'ઘરણીઘર'

(2) 'ઘરણીધર'

(3) 'ધરણીઘર'

(4) 'ધરણીધર'

ભાષાની મજા, મજાની ભાષા - 725

'સલાડો' એટલે 'એક ઊંટને બીજા ઊંટના પૂંછડે બાંધવું તે'.

ગમતાંનો કરીએ ગૂગલ !

મજા પડે એવી (વિ)સર્જનાત્મક દૃશ્ય-શ્રાવ્ય સામગ્રી જોવી હોય તો પહોંચી જાવ આ ગૂગલ ગલીના નાકે :

http://www.youtube.com/watch?v=gHGDN9-oFJE&feature=em-hot

અંગ્રેજી ભાષા, દેશી મજા : 105

ભારતમાં 'મલયાલમ' એક જ એવી ભાષા છે જે અંગ્રેજીમાં બંને બાજુથી સરખી વંચાય છે!

વિશ્વાસ ન આવતો હોય તો વાંચી જુઓ :

'MALAYALAM'   (!)

ભાષાની મજા, મજાની ભાષા - 724

'મજમુદાર' અને 'મજુમદાર' ભિન્ન અટક છે?

અહીં ગુજરાતી 'વિદ્યાપીઠ' અંગ્રેજી 'વિદ્યાપેઠ' બને છે !

Photograph : Ashwinkumar / છબી : અશ્વિનકુમાર

ભાષાની મજા, મજાની ભાષા - 723

'આ રીતે તમે સીધાં જતા રણ ઉપર ન પહોંચી શકો.'

'આ રીતે તમે સીધાં જ તારણ ઉપર ન પહોંચી શકો.' (!)

અંગ્રેજી ભાષા, દેશી મજા : 104

ગુજરાતી ભાષામાં 'Plumber' માટે 'નળેન્દ્ર' શબ્દ ચલણી બનાવી શકાય?!

ભાષાની મજા, મજાની ભાષા - 722

'ગુજરાતી અખબારોમાં ઠંડી કેવળ એક જ રંગની જોવા મળે છે : ગુલાબી !'

નીલમ : ખોબા ગામના, ખુલ્લા મનના ગ્રામશિલ્પી

Photograph : Ashwinkumar / છબી : અશ્વિનકુમાર

Photograph : Ashwinkumar / છબી : અશ્વિનકુમાર

Photograph : Ashwinkumar / છબી : અશ્વિનકુમાર

ગ્રામશિલ્પી :

નીલમ પટેલ 

કાર્યક્ષેત્ર : 

ગામ : ખોબા (મહારાષ્ટ્રની હદે આવેલું ગુજરાતનું છેલ્લું ગામ)
તાલુકો : ધરમપુર  

જિલ્લો : વલસાડ

સ્થળ-મુલાકાત : 29-10-2013

ભાષાની મજા, મજાની ભાષા - 721

'હું તકસાધુ છું.' 

'હું તક સાધું છું.' (!)

દીવાલ ઉપરનું 'સત્ય'

Photograph : Ashwinkumar / છબી : અશ્વિનકુમાર

અંગ્રેજી ભાષા, દેશી મજા : 103

'Calendar' અને 'Calender' ભિન્ન અર્થ ધરાવે છે?!

'સત્ય'ને કોતરવું, 'સત્ય'થી તરવું ...

Photograph : Ashwinkumar / છબી : અશ્વિનકુમાર

અંગ્રેજી ભાષા, દેશી મજા : 102

'Liquid' અને 'Fluid' ભિન્ન છે?!

ભાષાની મજા, મજાની ભાષા - 721

'દશનામી' એટલે દશ વર્ગના સંન્યાસી.

(1) તીર્થ 

(2) આશ્રમ 

(3) વન

(4) અરણ્ય

(5) ગિરિ

(6) પર્વત

(7) સાગર

(8) સરસ્વતી

(9) ભારતી

(10) પુરી

ભાષાની મજા, મજાની ભાષા - 720

જે માણસ કાશી જાય એ માણસ વારાણસી અને બનારસ પણ ગયો જ કહેવાય!

ભાષાની મજા, મજાની ભાષા - 719

ચાર ધામ યાત્રા એટલે બદરીનાથ, કેદારનાથ, ગંગોત્રી, જમનોત્રી એ ચાર ધામની યાત્રા.

ભાષાની મજા, મજાની ભાષા - 718

ત્રિસ્થળી યાત્રા એટલે કાશી, પ્રયાગ, ગયા એ ત્રણ તીર્થોની યાત્રા.

ભાષાની મજા, મજાની ભાષા - 717

'તત્કાલીન' અને 'તાત્કાલિક' ભિન્ન અર્થ ધરાવે છે.

ભાષાની મજા, મજાની ભાષા - 716

'મહેકમ' અને 'મોહકમ' જુદા અર્થ ધરાવે છે.

'મહેકમ' એટલે કચેરી, દફતર, ખાતું, વિભાગ
'મોહકમ' એટલે દૃઢ , સખત

ભાષાની મજા, મજાની ભાષા - 715

તેઓ ભલે ઉતાવળમાં 'સહારાની ભવ્યતા' વાંચે, પણ આપણે તો 'સહરાની ભવ્યતા' જ વાંચવું!

ભાષાની મજા, મજાની ભાષા - 714

'ષડરિપુ'નો અર્થ સમજવો છે?

'ષડરિપુ' શબ્દ મૂળે સંસ્કૃત ભાષાનો છે. 

'ષડ' એટલે 'છ' અને 'રિપુ' એટલે 'શત્રુ'.

મનુષ્યના છ આંતર શત્રુઓ આ મુજબ છે : 

(1) કામ (ઇચ્છા, વાસના)

(2) ક્રોધ (ગુસ્સો, તામસ) 

(3) લોભ (લાલચ, તૃષ્ણા)

(4) મોહ (ભ્રમ, આસક્તિ)

(5) મદ (કેફ, ગર્વ) 

(6) મત્સર (ઈર્ષા, અદેખાઈ)

જીવન રંગોળી થાજો !

Photograph : Ashwinkumar / છબી : અશ્વિનકુમાર

ભાષાની મજા, મજાની ભાષા - 713

'વિઘ્નસંતોષી માણસ' માટે ગુજરાતી ભાષામાં 'ચૌદશિયો' શબ્દ પ્રચલિત છે!

ભાષાની મજા, મજાની ભાષા - 712

'કાળી ચૌદશનો કકળાટ કાઢવો' એટલે 'આસો વદ ચૌદશે તમામ પ્રકારનો ગંદવાડ, મેલ, કચરો દૂર કરવો'.

વટથી નહીં, વાટથી પ્રકાશ પ્રગટાવીએ !

Photograph : Ashwinkumar / છબી : અશ્વિનકુમાર